Արտակ Նազարյանի գործով առանցքային վկան այլևս ցուցմունք չի տա
Այսօր Տավուշի մարզի ընդհանուր իրավասության դատարանում՝ դատավոր Ս. Մարդանյանի նախագահությամբ, տեղի ունեցավ ՀՀ ԶՈւ պայմանագրային զինծառայող, լեյտենանտ Արտակ Նազարյանի սպանության գործով հերթական դատական նիստը: Դատական նիստին ներկա չեն եղել տուժողի իրավահաջորդը և նրա ներկայացուցիչները:
Նիստի առաջին իսկ րոպեներին դատավորը տեղեկացրել է, որ գրություն կա, որի համաձայն գործով առանցքային վկա Արման Մնացականյանը հիվանդ է, չի կարող մասնակցել դատավարությանը և խնդրում է հաշվի առնել իր նախաքննական ցուցմունքները: Դատախազը միջնորդել է հրապարակել Արման Մնացականյանի նախաքննական ցուցմունքները, որին առարկել են ամբաստանյալները և նրանց պաշտպանները: Դատավորը Ս. Մարդանյանը առարկությունը հաշվի չի առել: Այս մասին «Առաջին լրատվական»-ին տեղեկացրեց Արտակ Նազարյանի քույրը՝ Ծովինար Նազարյանը, հավելելով, որ ամբաստանյալներից մեկի պաշտպան` Հրանտ Գևորգյանը ցանկացել է ինքնաբացարկի միջնորդություն ներկայացնել, սակայն նրան դա ներկայացնելու համար ողջամիտ ժամկետ չի տրամադրվել: Դատավորը ֆիքսել է, որ չկա ինքնաբացարկի միջնորդություն և որոշում կայացրել հրապարակել նախաքննական ցուցմունքները, որին ի պատասխան ամբաստանյալը դուրս է եկել դատարանի դահլիճից:
«Փաստորեն այն, ինչ Արման Մնացականյանն ասել էր, դառնում է հիմք, և դատավարությունը դառնում է լրիվ անիմաստ: Եթե նախաքննական ցուցմունքներով պիտի դատեինք, դատավորը կարող էր գրասենյակում նստեր, կարդար նախաքննական գործը և իր վճիռը կայացներ, եթե մենք հնարավորություն չէինք ունենալու վկաներին հարցաքննել դատարանի դահլիճում»,- մտահոգ նշեց Ծովինար Նազարյանը`կատարվածը համարելով աբսուրդ: Նա նաև տեղեկացրեց, որ հաջորդ դատական նիստը նշանակվել է առավոտյան ժամը 11.00-ին, և ասաց, որ անհնար է այդ ժամին ներկա գտնվել Տավուշի մարզում անցկացվող դատավարությանը: Նրա համոզմամբ` սա էին փորձում անել դատավարությունը Տավուշի մարզում անցկացնելով:
«Մեր պաշտպանական խումբը չի եղել դատին, եղել են միայն ամբաստանյալները, նրանց հարազատները, իսկ վկան կարողացել է հանգիստ չգնալ: Ուզում են նախաքննության սահմաններում գործը կոծկել»,- եզրակացրեց Արտակ Նազարյանի քույրը:
Հիշեցնենք, որ Արման Մնացականյանը այն վկան էր, ով երկար ժամանակ անհասկանալի պայմաններում պահվում էր ՌՈ-ում և նրա նախորդ ցուցմունքներում տուժողի իրավահաջորդի ներկայացուցիչները շատ հակասություններ էին արձանագրել, որոնք ուսումնասիրման առարկա էին:
http://www.1in.am/59095.html
No comments:
Post a Comment